باب الحارة الجزء الرابع 4





لقد صرح المخرج بسام الملا والمؤلف ببعض تفاصيل الجزء الرابع وأهم احداثه

ومن اهم الاحداث عودة حكيم الحارة وكبيرها أبو عصام (عباس النوري)

وتراجع العقيد أبو شهاب (سامر المصري) عن قراره بهجر شخصية ابو شهاب



وقرر ما يترك الجزء الرابع وخاصة بانه ابو عصام حبيبه وصهره رجع


وقررت الحارات ترحّل من سوريا وهلأ صارت حارة ابو النار بمصر واستقروا ب 6 أكتوبر بجنب كشري التحرير وكوكتيل فرغلي .. وحارة الماوية بالكويت وتحديدا بالجهرة .... وحارة الضبع راحو عالاردن ونزلو عالاغوار واخذو معهم شوية موز وكملو طريقهم لفلسطين

طبعا رحلو عفلسطين عشان يرتاح ابو شهاب من الروحة والرجعة لانه انهد حيله وخاصة انه حصانه استشهد لما دخلو الفرنسيين على الحارة بالجزء الثالث
وحاول ابو شهاب يطلب حصان ابو كاسم بس ابو كاسم مخه متنح كالعادة وما رضي يعطيه حصانه والتكاسي ارتفعت اسعارها بعد رفعة البنزين



هاي المقدمة وهلأ الى اهم التفاصيل


أبو عصام



أما ابو عصام حكيم الحارة بطلع دورة في بريطانيا للطب وبرجع وبفتح مركز صحي شامل في الحارة وبسميه ابو عصام كلينيك 24/24
وبستلم زعامة الحارة وبصير الآمر والناهي



أبو شهاب


ابو شهاب مثل ما عودنا بشهامته صار يدبّر للثوار اسلحة نووية من ايران وبيطلب مقاتلين و صواريخ فجر وخيبر ورعد وكاتيوشا من حزب الله..
ولملم شوية فلوس من اهل الحارة وباع ذهبات مرتو وذهبات اختو ام عصام واشترى كم دبابة للثوار وحول البايكييه لمخزن أسلحة وبفكر يدخل السلاح الجوي بس اجله للجزء الخامس


عصام

اما عصام فبصير معلم حلاقة وبجيب حلاقين من إيطاليا وبيفتح قسم ومساج وشد وتدليك وبجيب كم وحدة روسية وبفتح قسم حريمي
وطبعا بصير اختصاص واكس وجيل


أبو قاسم


ابو قاسم بغير ديكور الحمام وبسويه فندق وبسميه باب الحاره انتركونتننتال وبجيب فليبينيات وبشغلهن بالفندق

عبدو


أما عبدو فبجوزه ابو كاسم فلبينية لانو بيضل يزن على راسه وبصير المشرف العام على الفندق



أبو بشير


ابو بشير بقلب المخبز تبعه لمخبز آلي وبفتح قسم للكرواسان وقسم ثاني للدونات وبفتح محل صاج نوتيلا ومعجنات


بشير


أما بشير فابوه بطلعه دورة على ايطاليا متخصصة بالبيتزا الايطالية

وبرجع عند مخبز ابوه بعد ما اخذ شهادة من البيتزا هت



أبو غالب


ابو غالب بيشتري سيارة وبركب عليها مسجل سيارة وسماعات وبشغل عليها موسيقة سيارة البوظة او الغاز بتعرفوها اكيد عشان يبطل ازعاج وتجعير بصوته وخاصة انو ابو عصام رجع وبتذايق من صوته وبصير يبيع عليها ذرة وترمس وفول وبليله..اكيد ما بستغنى عنها لانها بداياته في السوق


أبو مرزوق


والخضرجي ابو مرزوق فتح كارفور خاص بالخضار والفواكة


جميلة


وجميلة بتجيب خط موبيل (زين) مشان تحكي بالليل على راحتها لانها الدقيقة بتعريفة


فريال


فريال بتتصل على قناة شهرزاد وبتكلم أبو علي الشيباني لتشوف مستقبل الحاره وبتصير تلفلف عالسحرة عشان تعمل سحر لسعاد وولادها




معتز


ومعتز بصير قائد المجاهدين في العراق و بيحرر العراق من الأحتلال الأمريكي وبرجع على فلسطين وبصير اليد اليمنى للعقيد ابو شهاب وبجيب خط ثريا عشان يضل يطمن على خيرية لانه روحاته وجياته كثيرة
وبشتري دراجة ناريه متطورة لانه الحصان بطل يوفي معه



أبو بدر


اما جوز فوزية (أبو بدر) بصير يلعب كراتيه ويرفع حديد وبصير زقرت ... وبضلو يستنى معتز عالرايحة وعالجاية مشان يسلخو كف على رقبتو ... قال لانو في ثار قديم بينهم



إبراهيم


ابراهيم بفتح بوتيك ستاتي رجالي وبفتح شركة استيراد وتصدير للاقمشة


دلال


دلال بتشتغل مع جوزها بقسم الحريم



أبو النار وابو عرب


أبو النار بروح هو وابو عرب يعمل شوية عمليات تجميل في باريس حتى يشيل تشطيبات أبو شهاب من على وجهه


أبو حاتم


أبو حاتم بفتح بدل القهوة إنترنت كافيه وبينقل مباريات برشلونة وريال مدريد حصريا و بفتح جنبها صالة بلياردو والله برزقو بحاتم


مسلم

ومسلم بفتح محل سناك وكوكتيل بجنب ابو حاتم



خاطر


خاطر بيفتح مول كبير للتحف والنحاسيات والادوات المنزلية


رياض


ورياض بشارك خاطر بالمول

أبو خاطر

ابوخاطر بتعافى وبتجوز وبفتح مطعم حمص وفلافل عشان يتسلى فيه